Қазақстан құрамасы жастар арасындағы әлем чемпионатында командалық есепте жеңіске жетті

Бокстан 22 қазан — 3 қараша күндері аралығында Будва (Черногория) қаласында өткен жастар арасындағы әлем чемпионаты жерлестеріміз үшін өте табысты аяқталды.

25 боксшымыз сынға түскен айтулы бәсекеде Қазақстан құрамасы өз тарихында алғаш рет жалпы есепте бірінші орынға ие болды. Атап айтқанда Боранбек Бексұлтан (51 келі), Төрехан Сабырхан (67 келі), Өнер Сейілхан (71 келі), Санжар-Али Бегалиев (75 келі), Елянур Турганова (50 келі), Аружан Зейноллаева (81 келі) алтыннан алқа тақты. Ал Төрехан Сабырхан турнирдің үздік боксшысы атанды.

Жалпы командалық есепте Қазақстан — 6 алтын, 1 күміс,10 қола, Өзбекстан — 5 алтын, 5 күміс, 3 қола, Ресей — 5 алтын, 2 күміс,1 қола медаль иеленді.