14 желтоқсанда футзалдан Қазақстан құрамасы 2024 жылғы әлем чемпионатының іріктеу кезеңінің элиталық раундында Нидерландыны жеңді.
Кездесу Астанада өтіп, 2:0 есебімен аяқталды. Гол авторлары Біржан Оразов (1-минут) пен Дуглас Джуниор (7-минут). Осы табысының арқасында Қазақстан құрамасы 15 ұпай жинап, А тобында бірінші орын иеленіп, әлем чемпионатының финалдық кезеңіне өтті. 20 желтоқсанда Бухарестте Рикардо Кака шәкірттері мен Румыния арасында кездесу өтеді.
Айта кетейік, элиталық раундтың бес тобының жеңімпаздары финалдық кезеңге тікелей өтеді, ал төрт үздік екінші орын иегерлері плей-офф кезеңінде ойнайды. Олардың жеребе тарту рәсімі 2024 жылдың 25 қаңтарына жоспарланған. Ал әлем чемпионатындағы қалған екі орын үшін матчтар 8-17 сәуір аралығында сарапқа салынады.
Қазақстан – Нидерланды – 2:0
Голдар: Біржан Оразов 1, Дуглас 7
Ескерту: Мохамед Хих 7, Абдессамад Аттахири 27
Қазақстан: Игита (В) (С) – Лео, Дәурен Тұрсағұлов, Дуглас, Біржан Оразов – Нарун Серіков (Б), Асхат Құлбаев, Азат Валиуллин, Альберт Ақбалықов, Шыңғыс Есенаманов, Арнольд Кнауб, Дамир Қайырбай, Ақжол Дәрібай, Әбдірасул Әбдуманұлы;
Бас бапкер: Рикардо Кака.
Әлем чемпионатының финалдық турнирі 2024 жылдың 14 қыркүйегі мен 6 қазаны аралығында Өзбекстанда өтеді.
