Елдің оңтүстік-шығысындағы Ширнак провинциясында әуесқой командалар матчында болған оқиғада төрешінің мұрны сынған, деп хабарлайды Aykiri.
Оқиға әуесқойлар лигасының «Кумчатыспор» мен «Цизре Диджеспор» (1:1) арасындағы ойында болды. «Кумчатыспор» футболшыларының шабуылы нәтижесінде төрешінің мұрны сынған.
Бұл Түркияда судьяға жасалған алғашқы шабуыл емес. Бұған дейін Суперлиганың 15-ші туры аясындағы «Анкарагюджю» – «Ризеспор» (1:1) кездесуінде «Анкарагюджю» бас бапкері Фарук Коджа төреші Халил Умут Мелерді ұрып жіберген. Төреші көгалға құлап, соққының астында қалды. Нәтижесінде ол ауруханаға жатқызылды. Бұған жауап ретінде Түркия футбол федерациясы ел чемпионатын уақытша тоқтатты. Кожа бүкіл түрік төрешілер қауымы, футболшылар және Түркия халқынан кешірім сұрады, содан кейін ол отставкаға кетті.
Сонымен қатар Футболдан Түркия чемпионатының екінші лигасы аясындағы «Бурсаспор» — «Диярбакырспор» матчында ойыншылар арасында жаппай төбелес орын алды. Есеп 2:0 болып «Диярбакырспор» пайдасына шешілген кезде орын алған төбелестің салдарынан бес ойыншы алаңнан қуылды. Көрермендер көгалға бөгде заттарды лақтырып жібергені, ал олардың біреуі тіпті алаңға шығып үлгергені белгілі болды.
Кездесу 2:0 есебімен қонақтардың пайдасына аяқталды. Айта кетейік, «Бурсаспор» лиганың аутсайдерлерінің қатарында. Ол турнирлік кестеде 19 команданың ішінде 17-ші орында, ал «Диярбакырспор» жетінші орында.
