2024 жылғы 12-15 желтоқсан аралығында Қазақстан әйелдер құрамасы 2026 жылғы Олимпиада ойындарына іріктеудің соңғы кезеңіне шығу үшін күреседі. Біздің хоккейшілер өз өнерін үшінші кезеңнен, яғни D тобынан бастайды. 5 желтоқсанда команда Аустрияға аттанады. Онда Берг қаласында алты күндік оқу-жаттығу жиыны өтеді. 11 желтоқсанда ойыншылар іріктеу турнирі өтетін Словакияның Пиестаны қаласына келеді. Біздің қыздардың қарсыластары Словакия, Исландия және Словения құрамалары болады. Қазақстан әйелдер құрамасының матчтарының кестесі:
2024 жылғы 12 желтоқсан, 22:00 – Словакия – Қазақстан
2024 жылғы 13 желтоқсан, 18:00 – Словения – Қазақстан
2024 жылғы 15 желтоқсан, 18:00 – Қазақстан – Исландия
Үшінші кезеңнің турнирлік кестесінде бірінші орын алған бір команда ғана іріктеудің соңғы кезеңіне өтеді.
Айта кетейік, Қысқы Олимпиада ойындары 2026 жылғы 6-22 ақпан аралығында өтеді деп жоспарланған. Халықаралық спорттық іс-шара 2019 жылы 24 маусымда Лозаннада (Швейцария) өткен ХОК 134-ші сессиясында қабылдаушы қалалар ретінде Милан мен Кортина д’Ампеццо таңдалды.
