Бүгін нағыз тарихи оқиға орын алды. Өйткені, Тиранада (Албания) өткен әлем чемпионатында 72 келі салмақта егіз апалы-сіңлілі Бақбергеновалардың бірі Жәмилә өзінің мықтылығын тағы бір дәлелдеп, қазақ әйелдер күресі тарихында тұңғыш төрт дүркін әлем чемпионатының жүлдегері атанды.
Отандасымыз 72 келіде сынға түсіп, финалдық белдесуде Ами Ишиге (Жапония) 8:6 есебімен есе жіберді. Осылайша 28 жастағы жерлесіміз 2021 жылдан бері әлем чемпионатынан елге құр қол қайтпады.
Кездесу барысында жапониялық балуан бірден басымдықты қолға алды – 2:0. Дегенмен, Бақбергенова есе қайтарып, тіпті алға шықты — 4:2. Содан Иши таразы басын теңестіріп, сәлден кейін айқын басымдықпен әлем чемпионатының алтын жүлдесін жеңіп алды.
В этой статье:
Нажмите, чтобы прокомментировать
