Футболдан Қазақстан ұлттық құрамасының тарихта алғаш рет Еуропа чемпионатына жолдама алу мүмкіндігі туып тұр. Осы орайда Tengri Sport ұлттық құраманың Ұлттар лигасының плей-офф кезеңіндегі сәтті өнері қаншалықты пайда әкелетінін есептеді.
Еуропалық футбол қауымдастықтары одағы футбол әлеміндегі басты турнирлердің біріне қатысатын барлық елдерге сыйақы төлеуді қарастырды.
«Қатысушы қауымдастықтар арасында барлығы 331 миллион еуро бөлінеді. Бұл сома Еуро-2020-мен бірдей, бірақ Еуро-2016-ға қарағанда 30 миллион еуроға көп», — делінген УЕФА құжатында (2023 жылғы маусымның бюджеті/ 2024).
УЕФА бұл соманы нәтижеге байланысты барлық қатысушы елдер арасында бөледі. Осылайша, әрбір жеңіске 1 миллион еуро, ал командалар тең нәтиже 500 мың еуро сыйақы беріледі.
Оның үстіне, топтық кезеңде үш мәрте жеңілген жағдайда да құрлық біріншілігіне қатысушы 9,25 миллион еуро (шамамен 4,5 миллиард теңге) көлемінде кепілдендірілген төлем алады.
Егер командалар топтан шықса, олар іріктеу бонустарын алуды жалғастырады.
- 1/8 финалға жолдама: 1,5 млн еуро.
- Ширек финалға шығу: 2,5 миллион еуро.
- Жартылай финалға шығу: 4 млн еуро.
- Екінші орын иегерлері 5 миллион еуро көлемінде қосымша төлем алады.
- 2024 жылғы Еуропа чемпиондары 8 миллион еуро көлемінде қосымша төлем алады.
«Чемпион команда өз тобындағы үш матчта да жеңіске жеткен жағдайда алатын максималды сома 28,25 миллион еуроны (13,8 миллиард теңге) құрайды», — делінген УЕФА сайтында.
Осылайша, Қазақстан құрамасы Еуропа чемпионатына шықса, 4,5 миллиард теңге алады.
Естеріңізге сала кетейік, 21 наурыздан 22 наурызға қараған түні Қазақстан құрамасы Афинада Грекия құрамасымен Ұлттар лигасының плей-офф кезеңінде ойнайды. Матч Қазақстан уақытымен 00:45-те басталады. Матчтың жеңімпазы плей-офф кезеңінің финалына өтеді, онда олар сырт алаңда Грузия – Люксембург жұбының үздіктерімен сынға түседі.
