Ағылшындық «Манчестер Сити» мен Норвегия құрамасының шабуылшысы Эрлинг Холанд мансабын Испанияда жалғастыруы мүмкін. Холанд Испанияның Ла Лигасында бағын сынағысы келеді және оны «Реал Мадридке» ауысу идеясы қызықтырады. Корольдік клуб та норвегиялық шабуылшыға қызығушылық танытып отырған көрінеді.
Холандтың «Манчестер Ситимен» келiсiмшартында келісімді мерзімінен бұрын тоқтату туралы тармақ бар. Ойыншы 150 миллион еуроға басқа клубқа ауыса алады.
Естеріңізге сала кетейік, Холанд «Ситиге» 2022 жылдың жазында Дортмундтың «Боруссиясынан» ауысты. Ситиліктер бұл трансфер үшін неміс клубына 60 миллион еуро төледі. Шабуылшы ағылшындық клуб сапында 110 матчқа қатысып, 103 гол соқты. «Ситимен» бірге екі дүркін Англия чемпионы атанып, Чемпиондар лигасын да жеңіп алды.
