Желтоқсанның 10-ы мен 15-і аралығында Венгрия астанасында қысқа қашықтыққа жүзуден әлем чемпионаты өтеді.
Турнир атақты «Дуна Аренада» ұйымдастырылмақ. Онда қызықты сайыстар мен жаңа рекордтар күтілуде. Тоғыз жүзушіден тұратын біздің команда жеке спорт түрлері мен эстафеталарда сынға түсуді көздеп отыр.
Қазақстан құрамасының тізімі:
1. Мусин Әділбек
2. Сподоренко София
3. Пчелинцева Аделаида
4. Игнатова Ксения
5. Сказобцов Максим
6. Қожахметов Арсен
7. Попов Егор
8. Балабек Ғалымжан
9. Коваленя Глеб
Әділбек сегіз сайыс түрінен, атап айтқанда еркін, баттерфляй және аралас жұпта, әртүрлі қашықтықта сынға түсуді жоспарлап отыр. Ал, қыздар арасында Ксения Игнатова алты түрлі қашықтықта ел намысын қорғайды. Жаттықтырушылар штабын Илья Гусаков басқаратын болады.
