Хоккейден еліміздің жастар құрамасы әлем чемпионатына дайындалуда.
18 қарашада Өскеменде хоккейден Қазақстан жасөспірімдер қыздар құрамасы (U18) жиындарының екінші кезеңі басталды. Қыздар 2024 жылдың 15 және 21 қаңтары аралығында Нидерландта өтетін екінші дивизионның А тобындағы әлем чемпионатына дайындалу үстінде. Еске сала кетейік, өткен біріншілікте біздің қыздар В тобында бірінші орын иеленіп, жоғарырақ топқа жолдама алған болатын.
Жалпы және арнайы физикалық дайындық бойынша жиындардың бірінші кезеңі тамыз айында Өскемен маңындағы «Алтайский берег» спорттық базасында өтті. Екінші кезең де Өскеменде Борис Александров атындағы спорт сарайының мұз алаңында өтіп, онда 28 үміткер жиналды. Жиындардың аясында «Торпедо-2011» және «Торпедо-2010» командаларымен бес бақылау матчын өткізу жоспарланып отыр.
Үшінші қорытынды кезең әлемдік біріншіліктің алдында, 4 қаңтарда басталады деп жоспарлануда. Бұл жиынға қатысатын жасөспірімдер қыздар құрамасының түбегейлі құрамы белгіленді.
Құрамаға үміткерлердің кеңейтілген тізіміне 28 хоккейші, 3 қақпашы және 25 алаң ойыншысы кірді.
