Қазақстанның үздік теннисшісі Елена Рыбакина беларуссиялық Арина Соболенкодан жеңіліп, Мексиканың Канкун қаласында өтіп жатқан WTA финалдық турниріндегі өнерін аяқтады.
Рыбакина Соболенкодан үш сетте 2:6, 6:3, 3:6 есебімен жеңіліп қалды. Осылайша Елена турнирдің плей-офф кезеңіне өте алмады. Теннисшілер кортта 2 сағат 27 минут уақыт өткізді. Матч барысында Арина Соболенко алты эйс орындап, 10 брейк-пойнттың 5-ін сәтті орындап, 15 қосарланған қателік жасады. Елена Рыбакина да бес рет допты ойынға қосу барысында қиыс кетіп, 12 брейк-пойнттың үшеуін еншісіне жазды. Сондай-ақ жеті қателікке жол берді.
Қазақстандық теннисші Елена Рыбакина Арина Соболенкомен өткен кездесуге байланысты өз ойын айтты.
«Турнирдің ұйымдастырылуы жоғары деңгейде болмаған шығар. Бірақ мен соңына дейін күрестім. Апта бойы бізді қолдаған жанкүйерлерге алғысым шексіз. Мұндағы көрермендер шынымен де ерекше», — деп атап өтті Елена.
Матч бір тәулікке жуық уақытқа созылды. Астана уақыты бойынша 3 қараша күні таңертең ерте басталған кездесу, жаңбырға байланысты бірнеше рет тоқтатылды. Ақыры келесі күнге ауыстырылып, тек 4 қазан күні таңертең ғана аяқталды. Бұған дейін топта қазақстандық теннисші грекиялық Мария Саккариді жеңіп, америкалық Джессика Пегуладан ұтылып қалды. Айта кетейік, Рыбакина WTA финалдық турнирінде жекелей сында өнер көрсеткен қазақстандық тұңғыш теннисші.
