Қазақстан құрамасының жартылай қорғаушысы Рамазан Оразов 2023 жылы үш клуб сапында ойнады. Ол маусымды «Ақсуда» бастап, «Тобылда» жалғастырды, ал жазда Словенияның «Копер» клубына ауысты. Оның Еуропа чемпионатынаауысуы отандық футболдағы жылдың басты оқиғаларының біріне айналып, қазақстандық жанкүйерлер «Копердің» матчтарын жіті қадағалай бастады.
Бірақ қазір, ақпарат көздеріне сүйенер болсақ, «Копер» құрамында болған 25 жастағы футболшы төрт айдан соң клубтан кетті.
Төрт айдың ішінде Оразов «Копер» сапында 12 матч өткізіп, бір гол соқты. Қазан айының соңына дейін ол барлық матчтарды ойнамағанымен, азды-көпті алаңға шығып тұрды. Бірақ, қараша айынан бастап ол алаңға сирек шыға бастады және үш матчты өткізіп алды. Тіпті команда тізіміне де кіре алмады. Оразовтың клубтан кетуі мүмкін екендігі туралы әңгіме өткен аптада словениялық Sportklub порталы инсайдерлік ақпаратпен бөліскен соң басталды. Оразов жаңа клубта тамаша өнер көрсетті деп айта алмаймыз. Ол көзге түсе алмады. Тіпті словениялық клубтың әлеуметтік желілерін «басып алған» қазақстандық жанкүйерлер тарапынан да көп шу болды.
Сонымен қатар, Рамазан қараша айында Словенияда өткен Еуро-2024 іріктеу кезеңінің шешуші матчында жергілікті ұлттық құраманың қақпасына гол соқты. Әрине, «Копер» ойыншысы словениялықтардың орасан жоспарларына қалай кедергі келтіре жаздағаны туралы көп айтылды. Дегенмен, алаң иелері жеңіске жетіп, құрлық біріншілігіне жолдама алды.
Әрине, бұл футболшы үшін қосымша тәжірибе. Рамазан жаңа жылдың басында еркін агент атанатын болса, ол бұрын ойнаған Қазақстан немесе Ресей чемпионатын таңдап, таныс ортаға қайта оралуы әбден мүмкін. Әрине, Еуропадан да ұсыныстар пайда болуы мүмкін. Футболшының жасы әлі 25-те. Оның жарқырап, мықты Еуропа чемпионаттарынан жақсы командалардың назарын қайтадан өзіне аударуға әлі де мүмкіндігі бар. Көп нәрсе ойыншының агентінің жұмысына, оның жеке қалауына және тұтастай алғанда трансфер нарығындағы жағдайға байланысты болады.
