Astana Qazaqstan Team шабандозы Симоне Веласко Португалияда өткен Figueira Champions Classic бір күндік жарысында мәре сызығын үшінші болып кесті.
Италия ұлттық чемпионы Симоне Веласко 2024 жылғы маусымдағы дебюттік жарысында бабының тамаша екенін көрсетті. Португалияның Фигейра-да Фош қаласының маңында өткен велододаның жарыс жолының ұзақтығы 192,4 шақырымды құрады. Қатты жел соғып, қиынға соққан асу жолдары шабандоздар үшін маусым басындағы нағыз сынақ болды.
«Бүгінгі нәтижеге толықтай көңілім толады деп айта алмаймын. Бірақ маусымдағы алғашқы жарыста жеңіс тұғырына көтерілгеніме қуаныштымын. Үш рет соққан қатты жел мен тік асу жолдары біздің бабымызды сынауға жақсы мүмкіндік болды. Енді келесі жарыс «Вольта Алгарвеге» санаулы күндер қалды. Мен онда да жақсы нәтижеге қол жеткізе аламын деп үміттенемін», — деді Симоне Веласко жарыс аяқталғаннан кейін.
«Вольта Алгарве» көпкүндігі 14-18 ақпан аралығында өтеді. Елордалық командадан Самуэле Баттистелла, Игорь Чжан, Евгений Федоров, Антон Кузьмин, Кристиан Скарони, Симоне Веласко және Astana Qazaqstan Development Team командасының шабандозы Макс Уолкер қатысады. Сондай-ақ «Астананың» бірқатар шабандоздары «Колумбия турында» бақ сынауда. Онда шабандоздарымыз екі кезеңде жеңіске жетіп, тамаша нәтиже көрсетуде.
