Қазақстан боксшылары Литва астанасы Каунаста өтетін Альгирдас Шоцикас атындағы халықаралық турнирге қатысады.
Әлемнің 17 елінен 120-ға жуық боксшы жиналатын бұл турнир наурыздың 21-і мен 23-і аралығында өтеді.
Қазақстаннан Каунасқа барлық салмақ дәрежесінде 11 өкіл аттанды. Оның ішінде кәсіпқой деңгейде өнер көрсеткен Тұрсынбай Құлахмет пен Жандос Қыдыралиев бар.
Айта кетейік, Құлахметтің әуесқойлар арасында да көптеген жетістіктері бар. Соның ішінде 2019 жылғы әлем чемпионатында «қола», сол жылғы Азия чемпионатында және 2013 жылғы жастар арасындағы құрлықтық біріншілікте «алтын» медаль иеленген болатын.
Отметим, что Кулахмет также имеет немало заслуг в любителях, в том числе «бронзу» чемпионата мира-2019, «золото» чемпионата Азии этого же года и континентального первенства-2013 среди молодежи
Қазақстан құрамасы мына құрамда бақ сынайды: Даниял Сабит (51 келі)
Нұрсұлтан Алтынбек (54 келі), Асылжан Серікбай (57 келі), Алмат Әбдуәли (60 келі), Жандос Қыдыралиев (63,5 келі), Елнұр Сүйінбай (67 келі), Фарух Тохтасунов (71 келі), Азамат Бектас (75 келі), Тұрсынбай Құлахмет(80 келі), Абзал Құттыбеков (92 келі), Аманат Сабырғали (92+ келі).
Сондай-ақ Наурыздың 23-і күні Әзірбайжан астанасы Бакуде «Ұлы жібек жолы» халықаралық турнирі өтеді. Бір аптаға созылатын бәсекеге еліміздің де боксшылары қатысады. Оннан астам елден 100-ден аса боксшы қатысатын турнирде Қазақстан құрамасы 11 салмақ дәрежесінде сынға түседі.
