Футболдан Қазақстан кубогының 1/2 финалында «Ордабасы» мен «Ақтөбе» кездесті.
Шымкентте өткен кездесу 2:1 есебімен қонақтардың жеңісімен аяқталды. Негізгі уақыттағы басты оқиға 75-ші минутта 2 жыл бойы футболдан аластатылған Айбол Әбікен алаңға шығуы болды. Дегенмен, өкінішке қарай бұл футболшы овертаймда қарсыластың аяғына қауіпті ойнағаны үшін 103-ші минутта алаңнан қуылды. Матчтың ең қызықты бөлігі овертаймда өрбіді. Алдымен 91-ші минутта Евгений Макаренко алыстан теуіп, «Ордабасыны» алға шығарғанымен, Дорни Ромеро бірінші овертаймда-ақ есепті теңестірді. Ал екінші овертаймның соңында Жан Жайро бірнеше футболшыны алдап өтіп, «Ақтөбе» үшін жеңіс голын соқты.
Бұған дейін жартылай финалға «Тобыл», «Атырау» және «Елімай» өткен болатын. Қостанайлықтар өз алаңында «Астананы» ұтты — 1:0, мұнайшылар «Қайратты» тізе бүктірді — 3:1, ал семейлік клуб Петропавлдың «Қызыл-Жар» командасын жеңді.
Жартылай финал ойындарының кестесі:
29 мамыр
18:00 «Тобыл» — «Атырау»
20:00 «Ақтөбе» — «Елімай»
19 маусым
20:00 «Атырау» — «Тобыл»
20:00 «Елімай» — «Ақтөбе»
Қазақстан кубогының жеңімпазы 29 қыркүйекте белгілі болады.
