«Ордабасының» УЕФА Чемпиондар лигасының бірінші іріктеу кезеңіндегі қарсыласы анықталды. Ньонда өткен жеребе тарту рәсімінің қорытындысы бойынша «Ордабасы» Чемпиондар лигасының бірінші іріктеу кезеңінде Молдованың «Петрокуб» клубымен кездесетін болды. Алғашқы матч 9/10 шілде шымкенттік клубтың өз алаңында, ал қарымта ойын 16/17 шілде Молдовада өтеді.
Ал «Ружомберок» – еурокубоктағы «Тобылдың» қарсыласы. Қостанайдың «Тобылы» УЕФА Еуропа Лигасының бірінші іріктеу кезеңінде Словакияның «Ружомберок» клубына қарсы ойнайды. Алғашқы ойын 11 шілдеде Словакияда, қарымта матч 18 шілдеде Қостанайда өтеді.
Сонымен қатар «Ақтөбе» Конференция лигасының бірінші кезеңінде «Сараевомен» кездеседі. Швейцарияның Ньон қаласында УЕФА Конференция лигасы алғашқы іріктеу кезеңінің жеребесі аяқталды. Оның қорытындысы бойынша «Ақтөбе» биылғы еурокубоктік жорығын босниялық «Сараево» клубына қарсы бастайды. Алғашқы кездесу 11 шілде күні Ақтөбеде, ал қарымта ойын 18 шілдеде Босния және Герцеговина астанасында өтеді.
