Зарина Дияс Лондонда өтіп жатқан Уимблдонға іріктеу турнирін сәтті бастады.
Қазақстандық теннисші таиландтық Мананчая Савангкаевты бірінші айналымда 7:5, 7:5 есебімен ұтты. Келесі айналымда Зарина америкалық Сачиа Викеримен кездеседі. Матч 26-маусым Астана уақытымен 15:00-ге жоспарланған.
Естеріңізге сала кетейік, Зарина жарақатына байланысты екі жылға жуық алаңға шықпады. Алайда, мансабын қайта жалғастырғаннан кейін ол ITF сериялы екі турнирге қатысты.
Қазақстандық теннисші соңғы рет Ноттингемде (8-16 маусым) WTA 250 сериялы турнирінің негізгі жеребесіне өте алмады. Іріктеу кезеңінің бірінші кезеңінде ол әлемдік рейтингте 164-ші орында тұрған 26 жастағы аустралиялық Кимберли Биррелге есе жіберген болатын. Шөп төсенішті корттарда өткен кездесу 6:1, 6:0 есебімен қарсыластың пайдасына аяқталды.
