«Барыс» Дамир Жафьяровпен келісім-шарт жасағанын хабарлады. Ресейлік шабуылшымен біржақты келісім 2025 жылдың 31 мамырына дейін бір маусымға жарамды.
Жафьяров Құрлықтық хоккей лигасында 650-ге жуық кездесу өткізген. Осы жылдар ішінде Новокузнецкінің «Металлург», Новосібірдің «Сібір», «Торпедо» және «СКА» командаларында өнер көрсетті. Дамир өткен маусымды «Ақ Барста» бастады (16 ойында 1+1), содан кейін «Авангардқа» ауысты (37 ойында 4+15, плей-оффты қоса есептегенде).
Бойы 174 см, салмағы 77 келі Дамир Жафьяровтың жасы 30 да және солақай екенін айта кетейік.
Елордалық команда мен ресейлік шабуылшы арасында ресми келісім-шарт жасалғаннан кейін «Барыстың» бас менеджері Олег Болякин Дамирге қатысты өз пікірін білдірді.
«Жафьяров арнайы таныстыруды қажет ететін хоккейші емес. Оның ойындағы шеберлік қасиеттерін Давид Немировски жақсы біледі. Кезінде Дамир «Торпедода» көшбасшылардың бірі болған. «Барыста» нәтиже көрсете алатын негізгі ойыншыға айналады деп сенеміз», — деді Олег Болякин.
