Еуро-2024 додасының 1/8 финалдық соңғы екі ойын өтті. Германиядағы турнирдің ширек финалындағы соңғы орындарды Нидерланды мен Түркия құрамалары жеңіп алды. Осылайша, «қызғылт сарылар» өз кездесуінде Румыния құрамасын 3:0 есебімен жеңсе, түріктер аустриялықтардан (2:1) мықты болып шықты.
Еуро-2024 1/4 финалының матчтарының кестесі
5 шілде, 21:00. Испания – Германия
5 шілде, 23:50. Португалия — Франция
6 шілде, 21:00. Англия — Швейцария
6 шілде, 23:50. Нидерланды — Түркия
Ширек финалдың барлық матчтарын Qazsport телеарнасы тікелей эфирде көрсетеді.
Айта кетейік, 2024 жылғы Еуропа чемпионаты Германияда 14 маусым мен 14 шілде аралығында өтуде. Қазіргі чемпион 1/8 финалда Швейцариядан сенсациялық түрде ұтылып қалған Италия құрамасы. Еурода чемпиондық атанқты ең көп жеңген командалар – Германия мен Испания. Олар турнирдің үш дүркін жеңімпаздары.
Биылғы Еуропа Чемпионатының жалпы жүлде қоры 331 млн еуроны құрайды. Еуропа Чемпионатына жолдама алған 24 команда 9,25 млн еуро (4,5 млрд теңге) алады. Топтық кезеңдегі жеңіс үшін — 1 млн еуро, тең ойынға — 500 мың еуро төленеді. Еуропа Чемпионатында барлық ойында жеңіске жеткен команда 28,25 млн доллар көлемінде табыс табады.
