Елена Рыбакина Уимблдонның төртінші айналымында әлемнің 18-ші ракеткасы Анна Калинскаяны ұтты. Ресейлік теннисші бірінші сетте 3:1 есебімен алға шыққанымен, бес гейм қатарынан жеңіліп қалды. Екінші сетте Рыбакинаның пайдасына есеп 3:0 болғанда, Аннаның оң қолы жарақаттанып, жарыстан шығуға мәжбүр болды.
«Үлкен дулыға» турнирінің ширек финалында Рыбакина украиналық Элина Свитолинамен сынға түседі.Уимблдонның 1/8 финалында Свитолина қытайлық спортшы Синьюй Вангпен кездесіп, екі сетте 6:2, 6:1 есебімен жеңіске жетті. Ойын 56 минутқа созылды.
Айта кетейік, Свитолина Токио Олимпиадасының қола жүлдегері, сонымен қатар WTA аясында өткен 19 турнирде жеңіске жетті.
Сондай-ақ қазақстандық теннисшілерден «Үлкен Дулыға» турнирінде тағы бір қазақстандық теннисші Юлия Путинцева өнер көрсетті. Өкінішке қарай отандасымыз Уимблдонның 1/8 финалы кезеңінде латвиялық теннисші Елена Остапенкоға (WTA 14-ші нөмір) екі сетте 2:6, 3:6 есебімен жеңіліп қалды. Ойын бір сағат тоғыз минутқа созылды.
