Бүгін, 22 қыркүйекте Қазақстан Премьер-Лигасының (ҚПЛ) 21-туры аясында «Тобыл» — «Ақтөбе» кездесуі өтті.
Ойын Қостанайда өтіп, 3:0 есебімен «Тобылдың» пайдасына аяқталады. Қостанайлықтар сапынан голдарды Ислам Чесноков, Ахмед Эль-Месауди және Руи Кошта соқты. Ақтөбеліктер Уче Агбо тәртіп бұзып, алаңнан қуылғаннан кейін екінші тайм бойы он ойыншымен қалды.
Осылайша «Тобыл» 18 ойыннан кейін 27 ұпаймен алтыншы орынға жайғасса, «Ақтөбе» 20 ойыннан кейін 34 ұпаймен үшінші орында қалды. Семейдің «Елімайы» чемпионатта көш бастап тұр. Клубтың 20 ойыннан кейін 37 ұпайы бар. «Қайрат» 19 ойыннан кейін 35 ұпаймен екінші орында.
Сондай-ақ бүгін шымкенттік «Ордабасы» Қазақстан Премьер-Лигасының (ҚПЛ) 21-турының орталық ойынында «Астанамен» кездесті. Ойын Шымкентте өтіп, 2:4 есебімен астаналықтардың жеңісімен аяқталды. Жеңімпаз команда сапынан Ян Вороговский мен Назми Грипши, ал Чинеду Джеффри тағы екі гол соқты. «Ордабасы» сапынан Жасұр Яхшыбоев дубль жасады. Осылайша, «Астана» 17 кездесуден кейін 30 ұпай жинап, бесінші орында тұр. Өз кезегінде «Ордабасы» 18 кездесуден кейін 33 ұпаймен төртінші орында келеді.
