Бүгін елорда уақытымен 20:30-да Бублик пен франциялық теннисші Артюр Фис арасында финалдық кездесу өтеді.
Әлемнің 36-ракеткасы Александр Бублик Антверпен (Бельгия) ATP 250 турнирінің финалына шықты. Жарыстың 3-ракеткасы болып тіркелген Бублик жартылай финалда дүниежүзілік рейтингте 127-орында тұрған германиялық Максимилиан Мартерермен шеберлік байқасты.
Бірінші партияда қазақстандық теннисші бірдей брейк жасап, 2:0 есебімен алға кетті. Сол басымдылықты сақтап қала алды – 6:4. Екінші сетте есеп 3:3 болған мезетте Бублик тағы бір брейкке қол жеткізді. Ақыры матчты жеңіспен түйіндеді – 6:4. Александр Бублик финалда әлемнің 7-ракеткасы, рейтингте 38-сатыдағы франциялық Артюр Фиспен бас жүлдені сарапқа салады.
Бублик үшін бұл оның мансабындағы ATP турниріндегі тоғызыншы финал. Ол биыл Галледе (Германия) өткен ATP 500 жарысында жеңімпаз атанды. Барлығы сегіз финалда өнер көрсетіп, оның екеуінде жеңіске жеткен.
Сонымен қатар тағы бір қазақстандық теннисші Андрей Голубев жұптық сында Стокгольм (Швеция) ATP 250 турнирінің финалына жолдама алды. Голубев Денис Молчановпен бірге жартылай финалда жарыстың 4-ракеткалары, америкалық Роберт Галлоуэй – франциялық Альбано Оливеттимен кездесті. Қазақстандық-украиналық жұп 7:5, 6:2 есебімен жеңіске жетті. Андрей Голубев пен Денис Молчановтың соңғы бәсекедегі қарсыластары кейін анықталады.
