10-16 желтоқсан аралығында Венгрияның Будапешт қаласында IA дивизионында жастар арасындағы әлем чемпионаты өтеді. Ерлер арасында қазақстан құрамасы элиталық дивизионға берілетін жалғыз жолдама үшін Франция, Дания, Жапония, Венгрия және Аустрия командаларымен сынға түседі. Турнирге дайындық аясында 28 қарашада «Барыс Аренада» оқу-жаттығу жиындары басталды. 3 желтоқсанда команда Будапешттегі оқу-жаттығу жиынының екінші кезеңіне аттанады. Онда Венгрия және Франциямен екі жолдастық кездесу өткізеді. Ойындар 5 және 7 желтоқсанға жоспарланған. Турнир қожайындарына қарсы алғашқы кездесу 10 желтоқсанда өтеді.
Қазақстан құрамасының жастар арасындағы әлем чемпионатында бірінші дивизионның А тобындағы матчтарының кестесі белгілі болды.
Ойын кестесі:
10.12.2023, 21:00 – Венгрия – Қазақстан
11.12.2023, 21:00 – Қазақстан – Дания
13.12.2023, 17:30 – Қазақстан – Франция
14.12.2023, 17:30 – Қазақстан – Жапония
17.12.2023, 00:30 – Аустрия – Қазақстан
Айта кетейік, хоккейден Қазақстан жастар құрамасы соңғы рет «Болашақ кубогының финалдық кездесуінде өнер көрсетті. Бірінші кезеңде 0:3 есебімен жеңілген. Қазақстан жастар құрамасы екінші кезеңнің соңында қатарынан үш гол соғып, есепті теңестірді. Алдымен капитан Роман Ермак ойынның бірінші бөлігінде гол соқты, одан кейін Асанәлі Русланұлы екінші, 20 секундтан кейін Ермак дубль жасады. Бірақ камбэк болған жоқ — ойынның соңғы бес минутында қарсылас біздің қақпаға екі рет соққы жасады — 3:5. Ал Роман Ермак Қазақстан құрамасының үздік ойыншысы деп танылды. Енді Сергей Старыгин шәкірттері жастар арасындағы әлем чемпионатында да нәтижелі өнер көрсетеді деген үміттеміз.
