69 жастағы португалиялық маман Фернанду Сантуш түркиялық «Бешикташтың» тізгінін ұстады. Ол аталмыш командамен 2024/25 маусымының соңына дейін келісім-шартқа отырды.
Клуб осы маусымда Сантуштың «Бешикташтың» бас бапкері болатынын ресми жариялап үлгерді. Енді қазақстандық футболшы Бахтиёр Зайнутдиновты бұған дейін Португалия мен Грекияның бірқатар топ-клубтарымен, сондай-ақ осы елдердің құрамаларымен жұмыс істеген тәжірибелі маман жаттықтыратын болады.
Фернанду Сантуш Португалия құрамасымен бірге 2016 жылғы Еуро және 2018/19 жылғы Ұлттар лигасын жеңіп алды. 2014 жылдан 2022 жылға дейін өз елінің ұлттық құрамасында қызмет етті. Ол 2022 жылғы әлем чемпионатындағы сәтсіздіктен кейін және әлем чемпионаты кезінде Криштиану Роналдумен болған жанжалдан кейін қызметінен кетті.
Өткен жылы Сантуш Польша құрамасын басқарды. Бірақ Еуро-2024 іріктеу кезеңін сәтсіз бастағаннан кейін орнын босатты. Португалиялық маман 2010 жылдан бері Грекия ПАОК-тан Грекия құрамасына ауысқаннан бері клуб деңгейінде жұмыс істемеді. Енді ол алғаш рет түрік футбол жанкүйерлеріне өзін көрсетпек.
Айта кетейік, Сантуш «Бешиктастың» осы маусымдағы бас бапкерлері Шенол Гүнеш пен Рыза Чалымбай, сондай-ақ бас бапкердің міндетін атқарушылар Бурак Йылмаз және Сердар Топрактепеден кейінгі бесінші жаттықтырушысы болды.
Ал отандасымыз Зайнутдинов осы уақытқа дейін Түркия суперлигасында 14 кездесу өткізіп үлгерген. «Бешикташ» қазіргі таңда турнирлік кестеде алтыншы орынға жайғасты. Команда келесі турда 9 қаңтар күні сағат 23:00-де «Ризеспормен» кездеседі. Командалардың әрқайсысында 29 ұпайдан бар.
