Астана мен Көкшетауда хоккейден Қазақстан чемпионатының жартылай финалдық сериясының матчтары өтті.
Елордалықтар кездесудің алғашқы минуттарын-ақ басымдықты қолға алып, алға шықты. Мәди Диханбек көк сызықтан қақпаға нәтижелі соққы бағыттап, есеп ашты. Араға төрт минут салып қонақтар қақпасына екінші шайба соғылды. Гол авторы Никита Колобов.
Екінші кезеңде Владислав Арбузовтың гол соғуға тамаша мүмкіндігі болды. Бірақ ақтөбелік қорғаушының соққысынан кейін шайба бағанаға тиді. Бірақ «көшпенділер» соңғы кезең аяқталар тұста өз мүмкіндіктерін толық пайдаланды. Николай Шульга шабуылға шығып, еспті 3:0-ге жеткізді. Дегенмен, ойын аяқталуға 5 секунд қалғанда күтпеген жерден «Ақтөбе» хоккейшісі Никита Потапов Бояркин қорғайтын қақпаны дәл көздеп, командасын «құрғақ» жеңілістен сақтап қалды. Қорытынды есеп 3:1.
«Номад» — «Ақтөбе» 3:1 (2:0, 0:0, 1:1)
1:0 — 01:21 — Диханбек (Шульга, Колесников)
2:0 — 05:24 — Колобов
3:0 — 57:16 — Шульга (Королёв, Шайхмедденов)
3:1 — 59:55 — Потапов (Митряков, Исмагилов)
Қақпашылар: Бояркин — Каратаев
Сериядағы есеп: «Номад» — «Ақтөбе»: 1-0 (3:1)
Бүгін, 16 наурыз «Барыс-Аренада» Астана уақыты бойынша 17:00-де «Номад» — «Ақтөбе» арасында сериядағы екінші жартылайфиналдық матч өтеді.
Ал Көкшетаудағы кездесу қонақтар арасында қатарынан екі хоккейшінің ойыннан шеттетілуімен басталды. «Арландар» мүмкіндікті ұтымды пайдаланып, алдымен «5-те 4», одан кейін «5-те 3» форматында ойнап, алға шықты. Көкшетаулықтар сапынан Эдгарс Сиксна мен Андрей Павленко мергендіктерімен көзге түсті.
Қарағандылықтар сериядағы алғашқы голын алтыншы кезеңнің басында ғана соқты. Сергей Кудрявцев қорғайтын қақпаға Александр Коннов жойқын соққы бағыттады. Дегенмен, айдын иелері сериядағы екінші жеңісін уыстан шығара қоймады. Қатарынан тағы 4 гол соғып, ірі есеппен жеңіске жетті.
«Арлан» — «Сарыарқа» 6:2 (2:0, 0:0, 4:2)
1:0 — 03:06 — Сиксна (Никулин)
2:0 — 05:52 — Павленко (Гренц, Оксентюк)
2:1 — 40:54 — Коннов (Баженов)
3:1 — 41:03 — Буяльский (Павленко, Шевченко)
4:1 — 46:59 — Лихотников
5:1 — 52:04 — Степаненко (Гренц, Хорошев)
5:2 — 54:27 — Злобин (Симонов, Сайко)
6:2 — 54:38 — Дюкарев (Железнов, Оксентюк)
Қақпашылар: Кудрявцев — Кадочников (Коваль, 52:04-60:00)
Сериядағы есеп: «Арлан» — «Сарыарқа»: 2-0 (2:0, 6:2)
