Турнир 10-26 мамыр аралығында Чехияның Прага және Острава қалаларында өтуде.
Қазақстан құрамасы қатысып жатқан хоккейден әлем чемпионатында «В» тобындағы алғашқы ойын Германия мен Словакия арасындағы кездесу 6:3 есебімен германиялықтардың пайдасына аяқталды. Жеңімпаз команда сапынан Леонард Пфедерль, Паркер Туоми, Лукас Кельбле, Ясин Эхлиз, Йонас Мюллер и Тобиас Эдер гол соқты. Ал словакиялықтардан Юрай Слафковски, Мартин Поспишил және Марек Гривик қарсылас қақпасын дәл көздеді.
Бұл топта қазақстандықтар плей-офф кезеңіне шығу үшін Франция, Германия, АҚШ, Латвия, Польша және Словакия командаларымен сынға түседі.
Ал екінші матчта Швеция АҚШ құрамасын ұтты. Кездесу 5:2 есебімен аяқталды.
Шайбалы хоккейден әлем чемпионатын қабылдап жатқан Чехия құрамасы «А» тобындағы алғашқы матчта Финляндиядан басым түсті. Прагада өткен кездесудің негізгі уақыты 0:0 есебімен аяқталды. Овертаймда да командалар мықтыны анықтай алмай, чехиялық хоккейшілер матчтан кейінгі буллиттерді тамаша орындап, Онджей Каше мен Роман Червенка өз мүмкіндіктерін мүлт жібермеді — 2:0.
Сондай-ақ А тобында Швейцария, Норвегия, Канада, Дания, Аустрия және Ұлыбритания командалары бар.
Бүгін, 11 мамырда хоккейден Қазақстан ұлттық құрамасы әлем чемпионатындағы алғашқы кездесуін Францияға қарсы өткізеді. Кездесу Астана уақытымен 15:20-да басталады.
