Қазақстандық теннисшілер халықаралық турнирлерде тамаша нәтиже көрсетуде.
Қазақстандық теннисші Анна Данилина ресейлік Ирина Хромачевамен бірге Пармада (Италия) өткен WTA 125 турнирінде жұптық сайыста жеңіске жетті. Финалда Данилина мен Хромачева Ингрид Гамарра Мартинс (Бразилия)/Эликсан Лешемия (Франция) дуэтін 6:1, 6:2 есебімен ұтты.
Кездесу 1 сағат 6 минутқа созылды. Анна мен Ирина 1 қателік жіберіп, 1 эйс жасады. Бұл Данилинаның жұптық турнирлердегі алтыншы жүлдесі. Ол бұған дейін Сидней (WTA 500), Окленд (WTA 250), Гамбург (WTA 250), Варшава (WTA 250) және Гданьск (WTA 250) қалаларында өткен жарыстарда жеңіске жеткен болатын.
Тағы бір отандасымыз Юлия Путинцева (No41) Страсбургте (Франция) WTA 250 турниріне іріктеудің соңғы кезеңінде жеңіске жетті. Еліміздің екінші ракеткасының қарсыласы америкалық Эшлин Крюгер болды. Матч өте тартысты өтіп, үш сетке ұласты. Путинцева бір сағат 32 минутта 6:1, 0:6, 6:3 есебімен жеңіске жетті.
Бұл 29 жастағы Путинцева мен 20 жастағы Крюгер арасындағы екінші кездесу болды. Жекек кездесулер қотырындысы бойынша қазақстандық теннисші сенімді түрде алға шықты – 2:0. Енді Юлия турнирдің негізгі кезеңіне өтті.
