Жексенбі, 26 мамыр күні Самарқандтағы Регистан алаңында (Өзбекстан) футзалдан 2024 жылғы Әлем чемпионаты финалдық кезеңінің жеребе тарту рәсімі өтеді. Салтанатты шараны әлемнің 200-ден астам елі тамашалай алады. Жеребе Қазақстан уақытымен 21:00-де басталады.
10-шы әлем чемпионатында 24 команда бақ сынайды. Турнир 4 қыркүйек пен 6 қазан күндері аралығында Өзбекстанның үш қаласы Ташкент, Бұхара және Андижанда өтеді.
ФИФА рейтингіне сәйкес 24 құрама 4 себетке бөлінді. Жеребе қорытындысы бойынша командалар 6 топқа бөлінеді.
Футзалдан әлем чемпионатының барлық себеті:
1 себет: Өзбекстан, Бразилия, Португалия, Испания, Иран, Аргентина;
2 себет: Марокко, Қазақстан, Таиланд, Франция, Украина, Парагвай;
3 себет: Хорватия, Жаңа Зеландия, Венесуэла, Ауғанстан, Коста-Рика, Тәжікстан;
4 себет: Нидерланды, Гватемала, Панама, Ангола, Ливия, Куба.
