Румыния футболшылары Қазақстан құрамасының қақпасына жауапсыз үш гол соғып, жеңіске жетті.
Футболдан Қазақстан әйелдер құрамасы 2025 жылғы Еуропа чемпионатына іріктеу кезеңінде Румыниядан жеңіліс тапты. Алматыда Орталық стадионда өткен кездесу 3:0 есебімен қонақтардың пайдасына аяқталды. Жеңімпаз команда сапынан Кристина Карп (17-минут), Флорентина Олар (40-минут) және Ольга Иордакьюзи (60-минут) гол соқты.
Турнирдегі С4 тобындағы жағдай келесідей: Румыния (бес ойыннан кейін 15 ұпай), Армения (төрт ойыннан кейін 6 ұпай), Болгария (төрт ойыннан кейін 3 ұпай) және Қазақстан (бес ойыннан кейін 3 ұпай).
Мадияр Кембілов шәкірттері келесі кездесуін 16 шілдеде сырт алаңда Болгарияға қарсы, София қаласындағы «Славия» стадионында өткізеді. Матч Астана уақытымен 22:00-де басталады.
