Ерлер мен әйелдер арасындағы бокстан 2025 жылғы әлем чемпионатын Ливерпуль (Англия) қабылдайтын болды.
2025 жылдың 4-14 қыркүйегінде M&S Bank Arena-да өтетін чемпионат боксты Олимпиадада сақтау үшін құрылған жаңа халықаралық федерация World Boxing ұйымдастырған бірінші жаһандық элиталық турнир болмақ. Жарыс ерлер мен әйелдер арасында 10 салмақ дәрежесінде өтеді. Нақты салмақ санаттары 2024 жылдың қарашасында өтетін конгресстен кейін нақтыланады.
Естеріңізге сала кетейік, World Boxing 2023 жылдың сәуірінен бастап жұмыс жасайды. Ұйым Халықаралық Олимпиада комитетінің (ХОК) мойындауына қол жеткізгісі келеді. Бірақ, ол үшін ХОК-тың ХБА-мен (Халықаралық бокс қауымдастығы) арбитраждық талқылауы аяқталғанша күту керек.
Белгілі болғандай, 2023 жылдың маусымында ХОК басқару, қаржы және этика салаларындағы реформаларды жүзеге асырмағаны үшін ХБА-ны мойындаудан бас тартты. Бұрын AIBA деп аталған ұйым 2019 жылдан бастап Олимпиада ойындарында бокстан турнирлер ұйымдастыруды тоқтатты. Ал IBA-ға балама ретінде құрылған Бүкіләлемдік бокс ұйымына бірқатар ұлттық бокс федерациялары енді.
