28 қыркүйекте Бакуде қазақстандық спортшылардың қатысуымен кәсіпқой бокстан кезекті «Night of IBA Champions» турнирі өтеді. Андеркардта Нұртас Әжбенов пен Нұрсұлтан Аманжолов жұдырықтасады. Әжбенов ресейлік Габил Мамедовпен (63,5 келі) 6 раундтық жекпе-жек өткізсе ал Аманжоловтың қарсыласы әуесқойлар арасында үш дүркін әлем чемпионы әзербайжандық Магомедрасул Маджидов (+92 келі).
Әжбенов үшін бұл кәсіпқой деңгейдегі 15-ші жекпе-жек. Ол 14 жекпе-жекте жеңіске жетіп, бір мәрте жеңіліс тапты. Аманжолов жеті жекпе-жек өткізіп, екі рет жеңіліс тапты. 2024 жылдың сәуірінде IBA Night of Champions турнирінде Аманжолов ресейлік Бекхан Исраиловқа есе жіберді.
Аманжоловтың қарсыласы Меджидов үш кәсіпқой жекпе-жекте жеңіске жетіп, тсоңғы рет рингке 2021 жылы шыққан.
Негізгі кардта кубалық Ленар Перес пен венесуэлалық Росмен Брито (90,7 келі) WBA нұсқасы бойынша «Америка чемпионы» титулын сарапқа салады. Сондай-ақ IBA әлем чемпионы атағы үшін екі жекпе-жек өтеді. 57 келіде ресейлік Всеволод Шумков Өзбекстан өкілі Миразизбек Мирзахалиловпен, ал 92 келіден жоғары салмақта әзербайжандық Магомед Абдуллаевпен колумбиялық Кристиан Салседо жұдырықтасады.
