Назым Қызайбай — бокстан әйелдер құрамасының капитаны

Бокстан Қазақстан әйелдер құрамасының Түркістан облысындағы оқу-жаттығу жиыныны аясында бапкерлер мен боксшылардың қатысуымен жиналыс өтіп, жаңа құраманың капитанын сайлады.

«Спортшылардың басым көпшілігінің дауысымен Париж Олимпиадасының қола жүлдегері, екі дүркін Әлем чемпионы Назым Қызайбай бокстан Қазақстан әйелдер құрамасының капитаны ретінде сайланды», — деп хабарлайды ҚБФ баспасөз қызметі.

Париж төрінде көк туымызды желбіреткен бұрымды боксшымыз мұндай мәртебеге әбден лайық.

Айта кетейік, қазіргі таңда бокстан Қазақстан әйелдер құрамасы Азия чемпионатына дайындалуда. Құрлықтық біріншілік 30 қараша мен 11 желтоқсан аралығында Иорданияда өтеді.