ATP 250 Almaty Open турнирінің бірінші айналымында Александр Шевченко (61 ATP) Михаил Кукушкинді (111 ATP) жеңді. Екі сағаттан астам уақытқа созылған кездесу 7:6 (7:5), 7:6 (7:4) есебімен Александрдың пайдасына шешілді. Қос қазақстандық теннисшінің кездесуі екі тай-брейкте шешілді – 7:6 (7:5), 7:6 (7:4). Жеңіс Шевченконың еншісінде кетті.
Екі сағат 23 минутқа созылған тартысты бәсеке барысында Шевченко 8 эйс жасап, 10 брейк-пойнттың екеуін өз есебіне жазды. Кукушкин 4 эйс, 2 брейкпен (4 брейк-пойнт) көзге түсті. Александр Шевченко ширек финалға шығу үшін рейтингіде 139-сатыдағы ресейлік Аслан Карацевпен кездеседі. Бұл Михаил мен Александрдың екінші бетпе-бет кездесуі және жеке кездесулер есебі теңесті.
Сондай-ақ ATP 250 Almaty Open турнирінің алғашқы айналымында Бейбіт Жұқаев (213 ATP) ливандық Бенджамин Хассанмен (245 ATP) кездесіп, 6:4, 6:1 есебімен жеңіске жетті. Матч бір сағаттан астам уақытқа созылды. Екінші айналымда Жуқаев Тимофей Скатов (Қазақстан) — Томаш Махач (Чехия) кездесуінің жеңімпазымен ойнайды.
Айта кетейік, 2024 жылы Алматыда алғаш рет ATP 250 Almaty Open халықаралық теннис турнирі өтуде. Бұл Қазақстан үшін маңызды спорттық шара. Ол 13-20 қазан аралығында Қазақстан тарихында оңтүстік астанада өтетін ATP сериясының бесінші халықаралық турнирі.
