Astana Qazaqstan Team шабандозы Глеб Сырица Малайзияда өтіп жатқан «Тур Лангкави» көпкүндігінің бірінші кезеңінің финалында спринтте әдемі жеңіске жетті. Командаластарын тамаша қолдау көрсеткеннен кейін, Сырица мәреге 250 метр қалғанда спринтті бастап, сенімді жеңіске жетті.
«Кезең қысқа және өте жылдам өтті. Жігіттер үнемі жанымда болды. Менің позициямды сақтап қалуға көмектесті, су әкелді. Өйткені күн өте ыстық болды. Соңғы километрлерде бізде тамаша «поезд» болды. Біз алға шығып, спринттік позицияға ие болдық. Соңғы шақырымда Рюдигер Зелиг мені қажетті жерге дейін жеткізді. Содан кейін мәреге 250 метр қалғанда спринтті бастап кеттім. Бельгиялық классикадан кейін өзімді жақсы сезінемін. Сондықтан бірінші кезеңде бабымның жақсы екенін паш ете алғаныма қуаныштымын. Алдағы күндер қалай өтетінін көреміз. Бірақ, әрине, мен әр спринт кезеңінде күресуге дайындалып жатырмын », — деді Глеб Сирица.
