Жасөспірімдер Олимпиадасында 3х3 хоккей турнирінің топтық кезеңінің үшінші ойын күні аясында Қазақстан құрамасы екі кездесу өткізді. Даниялылықтарға қарсы өткен бірінші ойын тартысты өтті. Алғашқы кезеңнің соңына қарай хоккейшілеріміз 3:1 есебімен алға шыққанымен, екінші кезеңде қарсылас есе қайтарып, командалар үшінші кезеңге тең есеппен шықты. Есеп 4:4 болғанда, даниялықтар басымдыққа қолға алып, нәтижесінде жеңіске жетті.
Қазақстан – Дания 6:8 (3:1, 1:3, 2:4)
Тайпейге қарсы келесі кездесу хоккейшілеріміздің айқын басымдығымен өтті. Бірінші кезеңде-ақ 7 гол соғылса, қарсылас бір рет көзге түсті. Екінші кезеңде айтулы оқиғалар бола қойған жоқ. Үшінші кезеңде қазақстандық жастар 6 гол соғып қана қоймай, қарсыластардың гол соғуына мүмкіндік бермеді. Қорытынды есеп 14:2. Осылайша еліміздің жас хоккейшілері тайпейліктерді ойсырата ұтты.
Тайпей – Қазақстан 2:14 (1:7, 1:1, 0:6)
Топтық кезең аясында ел құрамасының Испания мен Ұлыбританияға қарсы тағы екі ойыны бар. Плей-офф кезеңіне шығу үшін тек екі жеңіс қана емес, нәтиже Польша құрамасының турнирлік кестенің көшбасшылары — Дания, Латвия және Аустриямен қалай ойнайтынына байланысты болмақ.
