Қазақстандық теннисші Асылжан Арыстанбекова беларусь Юлия Перепихинамен жұптық сайыста жасөспірімдер арасындағы Australian Open 2024 турнирінің ширек финалына шықты. Қазақстан-Беларусь дуэті жапониялық Хаю Киношита/Вакана Сонобэ жұбынан мықты болып шықты. Арыстанбекова мен Перепихина 6:4, 2:6, 10:7 есебімен жеңіске жетті.
Асылжан мен Юлия жартылай финалға шығу үшін британиялық Ханна Клугман/Мими Сю (турнирдің екінші ракеткасы) жұбымен өзара мықтыны анықтайды. ¼ финалдық матч 24 ақпан күні Астана уақытымен 10:00-ге жоспарланған.
Ерлер арасындағы жұптық бәсекеде екінші айналымда қазақстандық Әмір Омарханов оңтүстіккореялық Хён Киммен дуэтте америкалық Кейлан Бигун/Джаггер Лич тандемінен жеңіліп қалды. Дегенмен Әмір Омарханов жасөспірімдер арасындағы жекелей сында жарысты жалғастырады. Екінші айналымда ол осы турнирде өзімен бірге жұптық сайыста өнер көрсеткен серіктесі Киммен ойнайды.
