2023 жылы Азияда әйелдер велоспортын дамыту бойынша ірі бастама көтерілді. Осының аясында Раджа Сапта Октохари мырзаның төрағалығымен Astana Qazaqstan Team мен Индонезия Олимпиада комитеті арасында Азия әйелдер континенталдық велоспорт командасын құру жобасы жүзеге асырылды. Astana Dewi Women Team деп аталатын команда аймақтағы әйелдер велоспортының дамуына серпін бермек.
Әйелдер велоспортының танымалдылығының жылдам өсуін және әйелдерге арналған жарыс күнтізбесінің кеңеюін ескере отырып, жаңа мүмкіндіктерді қолдау және Қазақстан мен Индонезияның дарынды шабандоздарын дамытуға көңіл бөлу туралы шешім қабылданды.
Astana Qazaqstan Team әлемдік тур командасының негізінде жұмыс істейтін Astana Dewi Women Team команданың техникалық демеушілері: Wilier, Limar, Biemme командалары. Күшті брендтердің бұл ынтымақтастығы командаға әлемдік аренада сәтті бәсекелесу үшін қажет нәрсенің барлығын қамтамасыз етудің негізгі кілті болмақ.
Әйелдер велокомандаларын басқаруда көп жылдық тәжірибесі бар маман Вадим Кравченко «Astana Dewi Women Team» командасының басшысы қызметіне қабылданды. Оның тәжірибесі команданы дамытуда және әйел велосипедшілердің келесі ұрпағын дайындауда маңызды рөл атқарады.
Astana Dewi Women Team командасының құрылуы Astana QazaqstanTeam-нің велоспортты дамытуға деген адалдығын көрсетіп қана қоймайды, сонымен қатар менеджментке маңызды миссия – жас таланттарды қолдау және тәрбиелеу міндетін қойды. Командада қиындықтарды жеңуге және елімізді әлемдік аренада көрсетуге дайын сегіз талантты спортшы бар.
Команда құрамы: Өсім Ақпейіл, Фаина Потапова, Виолетта Казакова, Бота Батырбекова, Алина Спирина, Аюстина Делиа Приятхна, Жасмик Каур Секхон, Дара Латифах.
