Бүгін, 16 ақпанда қазақстандық теннисші Елена Рыбакина Дохада (Катар) өтіп жатқан беделді WTA 1000 турнирі — Qatar Total Energies Open турнирінің финалына шықты. Ол жартылай финалда ресейлік Анастасия Павлюченкованы (No32) 6:2, 6:4 есебімен ұтты. Қарсыластар кортта 1 сағат 31 минут өткізді. Жарыстың финалында қазақстандық әлемнің бірінші ракеткасы, Польшадан келген Ига Швентекке қарсы ойнайды.
Әлемдік рейтингте 59-шы орында тұрған чехиялық теннисшісі Каролина Плишкова бел жарақатын алып, турнирдің жартылай финалдық кездесуіне қатысудан бас тартты. Нәтижесінде Ига Швентек автоматты түрде турнирдің финалына жолдама алды. Осылайша Швентек Дохадағы турнирдің финалында үшінші жыл қатарынан өнер көрсетеді.
Доха турнирінің финалисті 308 320 АҚШ доллары мен 650 ұпай алса, жеңімпаз 523 485 доллар сыйақымен қатар 1 000 рейтингтік ұпайға ие болады.
Рыбакина үшін бұл 2024 жылғы үшінші финал. Бұған дейін Елена Брисбенде (Австралия) және Абу-Дабиде (БАӘ) өткен WTA 500 турнирінде жеңіске жеткен болатын.
Финалдық кездесу 17-қаңтар Дохадағы орталық кортта Астана уақытымен 21:00-ге жоспарланған.
