Талдықорғандық «Жетісу» мен «Астана» арасында ҚПЛ-2024 екінші турының матчы өтті.
Алматыда өткен кездесуде «Жетісу» алаң иелері ретінде өнер көрсетті. Матч 2:0 есебімен «Астананың» жеңісімен аяқталды. Басты оқиғалар матч соңында өрбіді. 75-минутта «Жетісу» Антон Шрамченконың голының арқасында алға шықты. Алайда беларусьтік жартылай қорғаушының голы VAR тексерісінен кейін талдықорғандық капитан Серікжан Мужиковтың гол соғатын эпизодтың алдындағы шабуылда қолмен ойнағанына байланысты есепке алынбады. Нәтижесінде «Астана» өз мақсатына жетті. 86-минутта Ян Вороговский есеп ашса, соңғы нәтижені (90+1) пенальтиден гол соққан Эьлхан Астанов белгіледі.
«Астананың» бас бапкері Григорий Бабаян «Жетісумен» өткен матчтың қорытындысы туралы айтты.
«Көктемгі футбол сияқты ауыр матч болды. Өкініштісі, алаңның сапасы сын көтермейді. Бұл жағдайда допты игеруді барынша қиынға түседі. Айналдыруға көп уақыт жұмсауға тура келді, оны қарсылас команда пайдалана білді. Мұндай алаңда өз үстемдігіңді жүргізуден гөрі қорғаныста ойнау оңайырақ. Допты ұстауда бізден де, қарсылас жағынан да көп қателік кетті. Бірінші таймда бізде гол соғатындай және соғуға міндетті 2-3 мүмкіндік болды. Бастысы, бұл ойында жеңіске жеттік, ал матч барысында ешкім жарақат алмады. Алда ұзақ үзіліс бар.
Ұлттық құрамамызға сәттілік тілеймін. Дәл қазір киім ауыстыратын бөлмеде мен ұлттық құрамада ойнайтын командадағы жігіттерге, ел футболы тарихында алғаш рет Еуропа чемпионатына бару өз қолдарында екенін, барын салу керектігін айттым», — деді Бабаян.
Айта кетейік, «Астана» екінші матчта жеңіске жетіп, алты ұпай жинап, Қазақстан чемпионатының кестесінде көш бастады. Үшінші турда елордалық клуб 31 наурызда «Елімайды» қабылдаса, «Жетісу» 30-наурызда сыртта «Атыраумен» ойнайды.
