Биыл 32-ші мәрте ұйымдастырылып жатқан ел кубогының бастапқы кезеңінде Бірінші және Екінші лиганың 19 клубы топтық кезеңді аяқтады.
Қазақстан кубогының 1/8 финалдық матчтары 13 және 14 сәуір күндері өтеді. Оған Премьер-лиганың 13 клубы мен турнирдің алдын ала кезеңінің жеңімпаздары «Оңтүстік», «Тараз» және SD Family клубтары қатысады.
1/8 финал жеңімпаздары бір ойын арқылы анықталады. Кездесу жеребеде бірінші көрсетілген клубтардың алаңдарында ұйымдастырылады.
13 сәуір
14:00 «Қайсар» — «Тобыл»
14:00 «Атырау» — SD Family
16:00 «Жеңіс» — «Астана»
18:00 «Қайрат» — «Тұран»
14 сәуір
14:00 «Тараз» — «Ордабасы»
14:00 «Оңтүстік» — «Қызылжар»
16:00 «Елімай» — «Шахтер»
16:00 «Ақтөбе» — «Жетісу»
1/4 финал 8 мамырға, ал жартылай финал 29 мамыр мен 19 маусымға жоспарланған. Қазақстан кубогының жеңімпазы 29 қыркүйекте белгілі болады.
