QFL Лига Кубогы биыл елімізде алғаш рет ұйымдастырылмақ.
Отандық футбол жанкүйерлерін үлкен оқиға күтіп тұр. 25 мамыр күні еліміздегі 16 мықты футбол клубтың қатысуымен өтетін жаңа турнир — QFL Лига Кубогы басталады. Басты кубок үшін «Ақжайық», «Ақтөбе», «Астана», «Атырау», «Елімай», «Жеңіс», «Жетісу», «Қайрат», «Қайсар», «Каспий», «Қызылжар», «Ордабасы», «Тараз», «Тобыл», «Тұран» және «Шахтер» клубтары таласатын болады.
QFL Лига Кубогының қатысушылары төрт клубтан төрт топқа бөлінеді. Әр команда өзара бір матчтан ойнап, бірінші орын алған ұжым қос кездесуден тұратын жартылай финалға жолдама алады. Ары қарай жартылай финалдың жеңімпаздары 24 қараша күні маусымның соңғы ойынында чемпионды анықтайды.
Турнир аясында жанкүйерлер 29 тартысты матчқа куә болады. Жеребе тарту рәсімі бүгін өтеді.
Жеңімпаз турнирдің барлық кезеңде жеңіске жетсе 134 миллион теңгеге дейін иемденеді, өйткені жүлде қоры былай бөлінеді:
90 миллион теңге – кубок иегері;
50 миллион теңге — 2-орын иегері;
11 миллион теңге – финалға шығу;
10 миллион теңге – жартылай финалға шығу;
5 миллион теңге – топтық кезеңдегі ойында жеңіс;
2,5 миллион теңге – топтық кезеңдегі ойында тең нәтиже;
8 миллион теңге — турнирге қатысушы.
Топтық кезеңнің мачтары 25-26 мамыр (1 тур), 6-7 шілде (2 тур) және 20-21 шілде (3 тур) өтеді. Жартылай финал 10-11 тамыз бен 30 қазан, ал финал 24 қарашаға жоспарланған.
