Қазақстан құрамасы жастар арасындағы хоккейден (U18) әлем чемпионатында екінші кездесуін өткізді.
Георгий Верещагин шәкірттері Финляндиядағы турнирде В тобында Швеция құрамасымен ойнады. Кездесу 7:1 есебімен скандинавиялықтардың ірі жеңісімен аяқталды. Қазақстан құрамасы сапынан жалғыз голды Абзал Әлібек соқты. Ол бірінші кезеңде алтыншы минутта есеп ашты.
Айта кетейік, бұл біздің команданың екінші жеңілісі. Хоккейден жасөспірімдер арасындағы әлем чемпионатындағы алғашқы ойынында Қазақстан құрамасы Швейцариямен кездесті. Бірінші кезеңде Аристарх Киреев пен Абзал Әлібектің голдарының арқасында хоккейшілеріміз 2:0 есебімен алға шықты. Бірақ, ойынның екінші бөлігінде қарсылас есепті теңестіріп үлгерсе, ойынның үшінші бөлігінде тағы үш гол соқты. Қорытынды есеп 5:3, Швейцария құрамасы айқын басымдықпен жеңіске жетті.
Құрамамыз келесі кездесуін дүйсенбі, 29 сәуірде Чехияға қарсы өткізеді.
