Қазақстан футбол федерациясы мен Әзербайжан футбол федерациялары қауымдастығы жолдастық ойын өткізу туралы келісімге келді.
Ойын 11 маусым күні Мажарстанның Сомбатхей қаласы, «Халадаш» стадионында өтеді. Басталуы – Астана уақытымен сағат 21:00-де (жергілікті уақытпен – 18:00-де).
Әзербайжан құрамасы ФИФА рейтінгінде 112-орында орналасқан. Осыған дейін екі елдің құрамалары 8 рет кездесіп, Қазақстан төрт рет, Әзербайжан екі рет жеңіске жеткен болатын. Екі ойын тең аяқталды.
Естеріңізге сала кетейік, Магомед Адиев шәкірттері наурыз айында соңғы кездесулерін өткізді. Олар Түркіменстанды жолдастық кездесуде 2:0 есебімен жеңді. Содан кейін Ұлттар лигасының плей-офф кезеңінің жартылай финалында Грекия құрамасынан ( 0:5) және Люксембургпен (1:2) қарымта жолдастық ойында жеңіліс тапты.
