Қазақстан және АҚШ құрамалары арасында Чехияның Острава қаласында өткен ойын 10:1 есебімен Джон Хайнс командасының сенімді жеңісімен аяқталды. АҚШ құрамасы сапынан Мэтт Болди (дубль), Брэди Ткачук (хэт-трик), Брок Нельсон, Люк Канин, Гэвин Бриндли, Кевин Хейс және Джонни Годро гол соқты. Қазақстан құрамасынан Әлихан Өмірбеков көзге түсті.
Осылайша, Ғалым Мәмбеталиевтің шәкірттері элиталық дивизиондағы орынын сақтап қалу үшін тек жеңіс керек. Қазақстан құрамасы турнирді Францияны (3:1) жеңумен бастады. Одан кейін Словакия (2:6), Латвия (0:2), Швеция (1:3), Германия (2:8) және АҚШ (1:10) құрамаларына есе жіберді. .
Топтық кезеңнің қорытындысы бойынша Польша құрамасы жалпы есепте Қазақстан құрамасынан да жақсы көрінді. Алайда олар тек бір ұпай ғана жинады. Немістермен өткен соңғы ойында жоғары деңгейде өнер көрсетті. Бірақ Германия құрамасы географиялық көршілерімен ойында аса қатал болмады.
Бүгін, 20 мамырда Қазақстан құрамасы Чехияда өтіп жатқан шайбалы хоккейден әлем чемпионатының топтық кезеңіндегі соңғы ойынын өткізеді. Қарсылас Польша құрамасы болмақ. Кездесу Астана уақытымен сағат 23:20-да басталады. Қазақстандық хоккейшілер 3 ұпаймен В тобында жетінші орынға жайғасты. Матчтың жеңімпазы элиталық дивизиондағы орнын сақтайды, ал жеңілген құрама бір саты төмендейді.
