Шолпан-Атада жасөспірімдер арасында ITF J30 сериясының турнирі өтті. Аталмыш жарыста София Исакова абсолютті чемпион атанды. Жекелей сында қазақстандық теннисшілер арасында өткен финалда София Эвелина Балаганскаяны 6:2, 6:0 есебімен ұтты. Бұл Исакованың ITF –те дебюттік титулы.
Ал жұптық сайыста София Аружан Нұранбаймен бірге шешуші ойында ресейлік Виктория Острюх/София Ведерникованы 6:1, 6:1 есебімен ұтты.
Айта кетейік, София Исакова Вадим Шустердің жетекшілігімен Алматыда жаттығады.
Сондай-ақ жасөспірімдер арасында қазақстандық теннисшілерден Әмір Омарханов «Ролан Гаррос» турнирінің екінші айналымына шықты. Жұптық сында ол ресейлік Тимофей Дерепаскомен бірге турнирдегі алғашқы кездесуін франциялықтар Антуан Фато – Даниэль Жадемен өткізді. Бір сағаттан астам уақытқа созылған матчта қазақстандық-ресейлік жұп 7:6 (7:5), 6:2 есебімен жеңіске жетті.
Омарханов – Дерепаско ширек финалға өту үшін турнирдің 5-ракеткалары, франциялық Чарли Камю – аустралиялық Хайден Джонспен кездеседі.
Өкінішке қарай жекелей сында Әмір 1-айналымда испаниялық Рафаэль Ходарға жол берді – 2:6, 2:6.
