37 жастағы сербиялық теннисші Новак Джокович «Ролан Гарроста» чемпиондық атағын қорғай алмады.
Париж корттарында өтіп жатқан турнирдің ширек финалына шыққаннан кейін әлемдік рейтингте қазірге бірінші орында тұрған Новак турнирді жалғастырудан бас тартуға мәжбүр болды. Осылайша, норвегиялық Каспер Рууд жекпе-жексіз маусымдағы екінші «Үлкен дулыға» турнирінің жартылай финалына өтті. Ал келесі дүйсенбіде италиялық Янник Синнер мансабында алғаш рет әлемнің бірінші ракеткасы болады.
Сербиялық чемпионының мұндай шешім қабылдауына не себеп болды?
Сейсенбіде Париж клиникасында Новактың оң тізесіне МРТ жасалды. Тексеру кезінде тізе жарақаты анықталды. Сербиялық оны бірнеше апта бойы тізесі мазалағанын айтты. Бірақ, оның жарақатын Ролан Гарростағы тайғақ корт ауырлатып жіберді.
«Біз соңғы күндері тізеге көбірек көңіл бөлдік. Бірдеңе болатынын алдын ала білгендейміз. Дәл қазір бұл менің денемдегі ең әлсіз жер сияқты. Соңғы бірнеше аптада солай болды және кейбір жағдайлар бізді жарақатқа итермеледі», деді сербиялық теннисші.
Новак төртінші раундта аргентиналық Франсиско Серундоломен кездесуде тізе жарақатын ауырлатты. Бұған дейін серб италиялық Лоренцо Мусеттимен бірге бес сетке арналған кездесуде жеңіске жетті. Серундоломен өткен матч сербиялық үшін драмалық болды. Бірінші сетте сенімді жеңіске жеткен (6:1) Джокович екінші сеттің басындағы медициналық үзілісті пайдаланды. Дегенмен ойынды жалғастырудан бас тартқан жоқ. Содан кейін ол турнирдің супервайзерімен ашық түрде жанжалдасып, матчта жасалған жағдайларға шағымданды. Джокович бірнеше рет корттың сапасына назар аударуларын сұраған, ал бесінші сетте ол шындап тайып, жерге құлады.
«Қызметкерлер мен супервайзерлер, жарайсыңдар! Сіздер бәрін бізден жақсы білесіздер. Корттар мүлде тайғақ емес», — деді Джокович қызметкерлерге мысқылмен.
Нәтижесінде Новак матчта үлкен қиындықпен жеңіске жетіп, осы жолда бірнеше ірі әлемдік рекордтар орнатты. Бұл Джокович үшін «Үлкен дулыға» турнирлеріндегі 370-ші жеңісі болды. Мұндай көрсеткіш бойынша ол әлемнің бұрынғы бірінші ракеткасы, швейцариялық Роджер Федерерді басып озды. Сондай-ақ сербиялық теннисші Федерерді (58) тағы бір көрсеткіш бойынша артқа тастап, Үлкен дулыға турнирлерінің ең көп ширек финалына (59) шыққан ойыншы атанды.
