16 маусым, жексенбі күні таңертең Лас-Вегаста (АҚШ, Невада) аралас жекпе-жектен UFC on ESPN 58 турнирінде қазақстандық Асу Алмабаев (19-2) пен америкалық Хосе Джонсон (16-8) арасында жеңіл салмақта жекпе-жек өтеді. Кездесу үш раундқа есептелген. Тікелей көрсетілім Астана уақыты бойынша шамамен сағат 7:20-да басталады және UFC ресми сайтынан тамашалауға болады.
Айта кетейік, бұл Асу үшін тарихи жекпе-жек. Өйткені ол мансабында алғаш рет UFC турнирінің негізгі кардында өнер көрсетеді. Осы орайда Асу Алмабаев (19-2) UFC-дегі үшінші жекпе-жегі алдында міндетті салмақ өлшеу рәсіміннен өтті. Ол 56,93 келі нәтиже көрсетіп, жеңіл салмақтағы межені сәтті орындады.
Сондай-ақ қарсыластарды салыстырғанда антропометриядағы айырмашылық ерекше таң қалдырды. Хосенің бойы (182 см) Асудан 20 сантиметрге биік (162 см) болып шықты. Соған қарамастан Алмабаев алдағы жекпе-жектің сөзсіз фавориті. Бойы мен қолының ұзындығының айырмашылығына қарамастан, Джонсон болашағы зор қазақстандық спортшы үшін тактикалық тұрғыдан ыңғайлы қарсылас бола алады. Сондықтан Асу соңғы он ай ішінде UFC-де үшінші рет жеңіске жетсе, рейтингтің үздік 15-спортшысының қатарына енуге тағы бір қадам жасайды.
Турнир аса жеңіл салмақ дәрежесінің өкілдері арасындағы текетіреспен басталады. Рейтингте бесінші орындағы АҚШ өкілі Алекс Перес (25-8) 13-ші нөмірлі жапониялық Татсуро Тайрамен (15-0) кездеседі. Жалпы промоушеннің ресми сайтында 13 жекпе-жек жарияланды.
Бұл кеште болашағынан зор үміт күттіретін ресейлік орта салмақтағы Икрам Алискеров (15-1) өнер көрсетеді. Ол кезінде қазақстандық Сергей Морозовтан жеңіліп қалған тәжірибелі бразилиялық Дуглас Силва де Андрадемен (29-5-0-1) жұдырықтасады. Сондай-ақ Жалғас Жұмағұловтың екі бұрынғы қарсыласы – Ұланбеков пен америкалық Джошуа Ванг (10-1) арасында жекпе-жек өтеді.
Қазақстан уақыты бойынша сағат 01:00-де жеңіл салмақта тартыс өтеді. Бразилиялық Мелкизаэль Коста (20-7) бес жекпе-жегінде үш рет жеңіске жеткен Қытай өкілі, этникалық қазақ Сайран Нұрданбекпен (39-11) жұдырықтасады. Нұрданбек Гарсиядан ауыр жеңіліске ұшырағаннан соң 14 айдан кейін торға оралады. Бұл оның жеңіс жолына қайта жалғауға тамаша мүмкіндік. Өткен жылы сәуірде Гарсия Сайранды нокаутқа түсірген болатын.
Ал Алмабаев 2023-жылы тамызда UFC-де дебют жасады. Содан бері ол екі жеңіске жетті — ямайкалық Ауди Осборнды (12-7-0-1) тұншықтырып, америкалық Си Джей Вергараны (12-5-1) тізе бүктірді.
