Ел чемпионы «Барселонаның» аңыз ойыншысын қатарға қоспақ

Феррао лақап атымен танымал бразилиялық шабуылшы Карлос Вагнер Гуларте Фильо мансабын Қазақстанда жалғастырады.

Әлемнің үш дүркін үздік ойыншысы 2014 жылдан бері өзі өнер көрсеткен «Барселонамен» қоштасып үлгерді. Феррао жақын арада «Семей» сапына қосылады деп күтілуде.

33 жастағы бразилиялық футзалшы үш рет Испания чемпионы атанды (2018/19, 2020/21, 2021/22), екі рет Чемпиондар лигасын жеңіп алды, сонымен қатар үш рет әлемнің үздік ойыншысы деп танылды (2019 ж., 2020, 2021).

Естеріңізге сала кетейік, «Семей» биыл ел чемпионы атанып, келесі маусымда Чемпиондар лигасында өнер көрсетеді.