Португалия құрамасы Германияда өтіп жатқан Еуро-2024 топтық кезеңінің екінші турында жеңіске жетті. Дортмундтағы Түркияға қарсы кездесу 3:0 есебімен португалиялықтардың жеңісімен аяқталды. Бірінші голды 21-минутта Бернардо Сильва соқты.
Жеті минуттан кейін орталық қорғаушы Самет Акайдын қарамай допты қақпадан шығып кеткен қақпашы Алтай Байындырға бағыттап, автогол тіркелді.
Үшінші гол 56-минутта соғылды. Гол авторы Криштиану Роналдудың пасын тиімді пайдаланған Бруно Фернандес. Осылайша, португалиялықтар алты ұпай жинап, Еуро-2024 плей-офф кезеңіне мерзімінен бұрын шықты. Бұған дейін Германия мен Испания құрамалары плей-оффқа жолдама алған болатын.
Естеріңізге сала кетейік, бірінші айналымда Португалия құрамасы Чехияны (2:1), ал Түркия Грузия құрамасын (3:1) ұтқан болатын. Келесі турда чехиялықтар Түркиямен, ал Грузия Португалиямен ойнайды. Екі кездесу де маусымның 26-сынан 27-сіне қараған түні өтеді.
