Роналду стиліндегі гол сенсацияға жол бермеді.
Еуропа чемпионатының 1/8 финалындағы Англия мен Словакия құрамалары арасындағы кездесу Гельзенкирхен қаласында өтті. Ойындағы есепті 25-минутта словакиялық шабуылшы Иван Шранц ашты.
Англия бірінші таймда гол соға алмады. Мұндай жағдай соңғы рет 1986 жылғы әлем чемпионатында Аргентинаға қарсы ойында орын алды.
Тек 50-минутта ағылшын жартылай қорғаушысы Фил Фоден гол соқты. Бірақ офсайдқа байланысты гол есепке алынбады. Дегенмен, Еуропа чемпионатының басты фавориттері ағылшындар есепті теңестірді. 95-минутта «Реал Мадридтің» жұлдызы Джуд Беллингем командасын жеңілістен құтқару үшін Криштиану Роналду стилінде қақпаға фантастикалық соққы жасады. Нәтижесінде матч экстра-таймға ұласты.
Гарет Саутгейт шәкірттері қосымша уақытта бірден алға шыға білді. Гол авторы — Харри Кейн. Еуро-2024 додасының ширек финалында Англия Еуропаның қазіргі чемпионы Италияны (2:0) сенсациялық түрде ұтқан Швейцария құрамасына қарсы ойнайды.
