«Астана» жаңа ойыншымен толықты

«Астана» футбол клубы албаниялық жартылай қорғаушы Назми Грипшимен 2 жыл мерзімге келісімшарт жасады.
Назми Албанияның тумасы. 26 жастағы аяқдопшы мансабының көп бөлігін «Астана» 2023/24 жылғы маусымда УЕФА Конференциялар лигасында кездескен «Балканиде» өткізді. Ол шабуылдаушы жартылай қорғаушы позициясында ойнайды, оң әрі сол қанат шабуылшысы ретінде өнер көрсете алады.

Назми Косоволық командасы сапында 31 гол соғып, 25 нәтижелі пас берді. «Скендербеу» қатарында 14 гол соғып, 14 нәтижелі пас берді.

Transfermarkt албаниялық ойыншының нарықтық құнын 550 мың еуроға (280 миллион теңге) бағалап отыр. Бұл беделді порталдың мәліметінше, Грипши елордалық клубқа еркін агент ретінде ауысты.